Este martes 27 de xuño unha das embaixadoras do Concello de Curtis, Ánxeles Penas, presentou na Fundación Luis Seoane o seu novo libro titulado O libro de Thoth. 

A artista plástica, escritora e crítica de arte estivo arroupada nesta presentación pola concelleira de Cultura e Deportes, Julia Díez e a concelleira de de Benestar Social e Igualdade, Eva Lata. 

Penas foi nomeada embaixadora do muncipio en outubro de 2022 nun acto acompañada polo alcalde, Javier Caínzos, e o concelleiro de Educación, Cultura e Universidades, Román Rodríguez. 

Animamos a sumerxirvos neste novo volume da nosa veciña Ánxeles Penas. que xa está á venda. 

Os 120 participantes nos campamentos de verán de Curtis e Teixeiro veñen de realizar no día de hoxe dous murais con temática LGTBIQ+. Trátase dunha actividade enmarcada no Día Internacional do Orgullo que se conmemora hoxe, 28 de xuño. 

A iniciativa foi organizada pola Área de Igualdade do Concello de Curtis a través do Centro de Información á Muller (CIM).