Tes entre 11 e 15 anos e queres pasar unha fin de semana esquiando? Xa está aberto o prazo de inscrición para gozar da estación asturiana de Valgrande-Pajares co programa de neve da Deputación de A Coruña. 

Á rapazada do Concello de Curtis correspóndelle a quenda do 16 ó 19 de febreiro de 2024. 

A viaxe inclúe traslados dende unha cabeceira comarcal, aloxamento nun albergue a pé de pista, manutención, clases de esquí e actividades. 

Os participantes deberán pagar 85 euros de gastos de manutención. 

Solicitudes dende hoxe ata o 1 de decembro (incluidos): 

Para presentar a solicitude cubre a seguinte ficha: Ficha_de_inscricion_Campana-Neve_2024.pdf

e preséntaa na Casa do Concello en Teixeiro ou nas oficinas municipais de Curtis. 

As prazas destinadas a Concello de Curtis son CINCO. Preferencia para a rapazada que nunca participara na campaña da neve da Deputación e as prazas, no caso de haber máis solicitudes que prazas outorgaranse mediante un sorteo público que se celebrará entre o 4 e o 12 de decembro. 

Máis información no departamento de deportes do Concello de Curtis: 981 789 003 ou no 981 777 105. 

No día de onte, 7 de novembro de 2023, acordouse de forma unánime na mesa de negociación coas organizacións sindicais es os representantes dos traballadores, a aprobación da oferta de emprego público excepcional do ano 2023, a cal ten coma obxectivo estabilizar todos os postos de traballo ocupados por persoal temporal e que por mor do impedimentos normativos non puideron ser obxecto de estabilización con anterioridade.

- 1 posto de asesora xurídica do Centro de Información á Muller.

 

Dende a Alcaldia mostrase satisfeito por que se cumpre o compromiso adquirido coas organizacions sindicais e os representantes dos traballadores; asì coa execución desta oferta de emprego excepcional a taxa de temporalidade quedará reducida a un 0%, cumprindo así con creces co obxectivo previsto na Lei 20/2021, de 28 decembro, de medidas urxentes para a reducción da temporalidade no emprego público, de non superar o 8% de temporalidade nas prazas de natureza estrutural.