O Concello de Curtis acollerá a partir do luns 6 de novembro a exposición itinerante «Nós tamén fomos emigrantes», en colaboración con Afundación Obra Social ABANCA e ABANCA, unha selección de fotografías da Axencia EFE que nos leva a esa realidade histórica da emigración galega e española, a través dunha síntesis de cuarenta imaxes mediante a mirada profesional e humana dos fotoperiodistas da época.

Disfruta do 6 de novembro ao 3 de decembro na Casa Museo de María Antonia Dans.

Este fin de semana, Curtis acolleu a preto de 5.000 visitantes na súa III Feira-Exposición de Playmobil organizada pola Asociación Española de Coleccionistas de Playmobil Aesclick e na que colabora o Concello de Curtis. A feira congregou a persoas procedentes de diferentes puntos de Galicia pero tamén de distintos puntos de España como Burgos, Palencia, Gijón e Alicante, entre outros.

Curtis consolídase así como a meca dos playmobil onde este ano se expuxeron un total de 3.250 figuras en 9 dioramas de temáticas diferentes. Tamén se contou con 4 puntos de venda.

Curtis reafírmase así como unha cita indispensable para os amantes e coleccionistas destas figuras.