O Director Xeral de Emerxencias e Interior, Santiago Villanueva e o Xerente da Axencia Galega de Emerxencias da Xunta de Galicia mantiveron unha reunión cos alcaldes dos Concellos de Aranga, Curtis, Mesía, Sobrado e Vilasantar que están adscritos o GES que ten a súa base en Curtis e da cobertura a 18000 habitantes e a unha extensión de máis de 700 km cadrados. Á dita xuntanza asistiu tamén o Concelleiro de Protección Civil e Servizos de Curtis. Tratáronse as funcións e o protocolo de funcionamento do GES así como a coordinación para atender as emerxencias que xurden no territorio que ten adscrito. Tamén visitaron as obras de mellora que se están a executar na base loxística e os medios dos que dispoñen.

A Xunta directiva do Grupo de Desenvolvemento Rural Ulla Tambre Mandeo, aprobou o pasado mércores, 16 de outubro, unha nova subvención para un proxecto de recuperación patrimonial no Concello de Curtis. O beneficiario, a Asociación Cultural O Progreso, presentou un orzamento de 13.415,06 euros, segundo o cal, e unha vez aplicado o baremo para proxectos non produtivos, lle corresponde unha