O día 1 de abril comezará no salón de actos do Edificio Multiúsos de Curtis o curso preparatorio para a obtención do título de graduado en educación secundaria obrigatoria.

O curso desenvolverase de luns a venres en horario de 20.00 a 22.00 horas e está organizado e financiado polo Concello de Curtis. O obxectivo deste curso é a preparación das probas da E.S.O do vindeiro 31 de maio.

A inscrición deberá formalizarse mediante unha folla de inscrición na Casa do Concello (Teixeiro) ou na Oficina Municipal (Curtis).

O Concello de Vilasantar e o Concello de Curtis organizan conxuntamente, e en colaboración coa Secretaría Xeral de Política Lingüística, o curso preparatorio para a proba do Celga 4 do día 1 xuño de 2013.

O comezo do curso será o día 1 de abril e realizarase de luns a xoves de 20.00 a 22.30 horas no Local Social de Vilasantar. As persoas interesadas poderán inscribirse no Concello de Vilasantar ou ben no Concello de Curtis.