Dende o Concello apoia a nosa lingua. Por iso e para celebrar este día, realizaronse o día 15 dous contacontos nos colexios de Curtis e Teixeiro, que puideron disfrutar tódolos nenos e nenas de ámbolos dous colexios.
Así mesmo tamén o celebramos coa realización cada ano do Certame de Narración Curta. Este ano o veredicto do xurado do certame "Trágame Curtis" daráse a coñecer no mes de Xuño.
Roberto Vidal Bolaño naceu o 31 de xullo de 1950,na cidade de Santiago de Compostela.
Os primeiros anos de vida, cos seus pais Roberto Vidal Ríos e Carmen Bolaño Sánchez e a súa irmá Carmen, pasan no barrio compostelán de Vista Alegre, ao comezo da estrada Santiago-Bergantiños.
Os primeiros estudos realízaos na Escola da Troia e na Academia Ríos, da rúa do Franco e posteriormente, por mor da crise económica familiar, na Escola da Inmaculada, rexentada pola congregación relixiosa de La Salle, onde realiza os estudos de escribente administrativo.
O seu seguinte destino escolar será o vello instituto da praza de Mazarelos e posteriormente o Xelmírez, onde non conseguirá facer a reválida de sexto.
