Curtis-Teixeiro, 16 de marzo de 2012.- O alcalde de Curtis, Javier Caínzos, entregou esta maña os diplomas de diversos cursos destinados a mulleres realizados nos últimos meses baixo a organización do Concello de Curtis. O acto quere ser tamén unha homaxe e conmemoración do Día da Muller Traballadora, segundo indicou o alcalde.

Os diplomas que se entregarán serán os de Elaboración e conservación de Produtos Naturais da Terra, Mobilizacións para coidadoras de Persoas Dependentes, Agricultura Ecolóxica, Primeiros Auxilios na Natureza, e Unidade formativa 2: Apoio ás xestións cotiáns das persoas dependentes, do módulo 2 do Certificado de Profesionalidade en Atención Sociosanitaria.