Cada 4 de febreiro conmemórase o Día Mundial contra o Cancro co fin de sensibilizar e concienciar sobre esta enfermidade.

Nós queremos sumarnos a esta loita e amosar a nosa solidariedade con todas aquelas persoas que padecen esta enfermidade e as súas familias.

Non queremos perder a ocasión de 𝗔𝗚𝗥𝗔𝗗𝗘𝗖𝗘𝗥 o magnífico labor diario da Xunta Local de loita contra o cancro de Curtis-Teixeiro que traballa en colaboración coa AECC A Coruña dende o 2017.

A Casa do Concello situada en Teixeiro e as pistas de pádel de Curtis luciron esta semana a cor verde contra ocancro. 

O Concello de Curtis vén de retirar os arrastres de vexetación deste inverno que estaban a obstruir o paso da auga do río Mandeo pola Ponte Marzá, así o explicou esta mañá o concelleiro de Medio Ambiente, Iván Maques, quen sinalou que ademais dos restos de vexetación tamén se realizaron tarefas de retirada de plásticos presentes nos márxenes do río.

A labor está dirixida a sacar do cauce a vexetación sobrante para permitir un mellor fluxo da auga e miniminicar as consecuencias das crecidas. A previsión, apunta, é a de continuar coas limpezas e coa mellora e acondicionamento dos entornos naturais.