Con motivo da Startup Europe Week e do Día Internacional da Muller a Deputación da Coruña organiza o evento “Entrepreneurs Startup Café”, enmarcado dentro da liña 4 do Plan de Emprego Local (PEL).

Esta semana europea é un acontecemento impulsado pola Comisión Europea para fortalecer o ecosistema emprendedor no ámbito rexional e local que desde o 5 ata o 9 de marzo de 2018 unirá a máis de 300 cidades europeas participantes para axudar ás emprendedoras e emprendedores e amosarlles os recursos dos que dispoñen.

“Entrepreneurs Startup Café” terá lugar o vindeiro 7 de marzo ás 10:00 horas no salón Cunqueiro do hotel NH A Coruña Atlántico, avenida do Porto da Coruña, 4. Neste evento gratuíto 30 emprendedoras e emprendedores da provincia recibirán información sobre as axudas ao emprendemento do Plan de Emprego Local da Deputación da Coruña, terán ocasión de escoitar a Isidro Laso, director de Startup Europe na Comisión Europea, recibirán os consellos de Antonio Hyder, director de investigación de Hackers & Founders (California, EEUU) e terán ocasión de compartir un café con emprendedoras de éxito da nosa provincia como María Hermo, cofundadora de Galejobs; Victoria Mariño, cofundadora da consultoría Gálica; Isabel Caamaño, fundadora e directora creativa en Mr. Ce e Noemí Bellas, CEO e fundadora de Líbolis, escuela de valientes.

As inscricións realizaranse a través do seguinte enlace e respetarase a orde de entrada: Aquí

Pode atopar máis información na web do evento e no facebook do Plan de Emprego Local.

O Servizo de Promoción Económica, Turismo e Emprego da Deputación Provincial da Coruña publicou hoxe, día 15/02/18, as seguintes axudas a empresarios/as:

- Convocatoria de axudas á consolidación e ao fortalecemento do tecido empresarial nos concellos da provincia de A Coruña a través do apoio á inversión en bens inventariables. (PEL-Emprende inversión 2018). Máis información

- Programa de incentivos á contratación para a creación e ampliación do cadro de persoal de pequenas, medianas empresas e microempresas (Liña 3. 1. PEL-Pemes). Máis información 

- Programa de incentivos ao mantemento do cuadro de persoal de pequenas, medianas empresas e microempresas (Liña 3.2 PEL-Pemes. mantenimiento). Máis información

1. PROMOCIÓN E CONSOLIDACIÓN DO EMPREGO AUTÓNOMO
Programa I: Novas altas no réxime autónomos ou outro réxime especial SS ou mutualidade entre o 1 de outubro 2017 e o 30 de outubro 2018. Prazo de solicitude: ata o 30/09/18.
Programa II: Axudas a persoas autónomas ou as persoas profesionais pola 1º, 2º o 3º contratación que realicen con carácter indefinido. O prazo de solicitude depende da data de contratación.

2. PROXECTOS DE INVESTIMENTO EN ACTIVIDADES NON AGRÍCOLAS.
Proxectos de ampliación ou modernización de: industrias, fábricas, locais destinados á producción de bens e materiais, prestación de servizos en calquera sector, artesanía, enxeñaría, comercio polo miúdo, etc. Prazo de solicitude: 30/01/18 ao 28/02/18

3. AXUDAS PARA PROXECTOS DE TRANSFORMACIÓN E COMERCIALIZACIÓN DE PRODUTOS AGRARIOS. Prazo ata o 12/02/18

4. AXUDAS PARA O FOMENTO DO EMPREGO EN EMPRESAS PRIVADAS
Programa I: dirixido a empresas de nova creación para o inicio da actividade, contratación, formación e conciliación da vida laboral e familiar. Prazo xeral, ata o 31 de xullo 2018.
Programa II: para empresas ou autónomos cualificados como Iniciativas de Base Tecnolóxica (IEBT). Prazo xeral, ata o 30 de setembro de 2018.

5. GALICIA RURAL EMPRENDE
Axudas dirixidas á primeira implantación e desenvolvemento de novas actividades económicas non agrarias nas zonas rurais, que deben contribuír á diversificación económica, crecemento de emprego, sustentabilidade do medio rural e equilibrio territorial. Prazo ata o 26/03/18.

6. AXUDAS PARA O FOMENTO DO EMPRENDEMENTO EN ECONOMÍA SOCIAL
Programa I: En cooperativas e sociedades laborais. Prazo ata 01/10/18
Programa II: Fomento do acceso á condición de persoa socia. Prazo ata 01/10/18.

Máis información: Servizo de Orientación Laboral. Concello de Curtis.