Curtis, 22 de agosto de 2022

Prazo: a presentación das solicitudes abranguerá desde o día 1 ata o 10 de setembro de 2022, para os cursos do primeiro cuadrimestre (setembro-xaneiro), e desde o 3 ata o 13 de xaneiro de 2023, para os cursos do segundo cuadrimestre (febreiro-maio).

Inicio: Os cursos do primeiro cuadrimestre comezarán o día 24 de outubro de 2022 e rematarán o 15 de xaneiro de 2023. Os cursos do segundo cuadrimestre comezarán o día 6 de marzo e rematarán o 14 de maio de 2023.

Para ver os cursos, niveis e lugares de impartición pinchar: Aquí

Curtis, 07 Xullo 2022

Xa está aberta, ata o 1 de agosto, a convocatoria de 250 prazas para participar na II edición do programa Xuventude Mentoring, un pioneiro programa da Xunta de Galicia destinado a favorecer a transición laboral das persoas mozas recén tituladas, a través do apoio dunha rede de mentores procedentes do empresariado galego.

O programa, cofinanciado polo Fondo Social Europeo a través do Programa Operativo de Emprego Xuvenil, desenvólvese en colaboración co Cixug e as tres universidades galegas.

Poden participar no programa as persoas mozas de entre 18 e 30 anos, inscritas e beneficiarias do Sistema Nacional de Garantía Xuvenil que teñan cursado estudos universitarios de grao/posgrao ou formación profesional superior nunha universidade ou centro de estudos galego (ou fóra de Galicia nalgúns casos excepcionais establecidos na convocatoria).

As diferentes accións do programa desenvolveranse entre setembro e decembro de 2022 e consistirán en:

-Seguimento e acompañamento especializado polo equipo de titores/as
-Actividades formativas de desenvolvemento do perfil competencial para a busca de emprego, por conta propia ou allea
-Actividades de networking e visitas a empresas
-Mentorías a cargo de persoas profesionais procedentes do sector económico de interese

Xuventude Mentoring conta actualmente cunha rede de máis de 150 mentores e 21 entidades colaboradoras, o que permitiu que case o 60% das persoas mozas participantes na I edición se atopen traballando ou desfrutando de bolsas de formación.

Toda a información e o formulario de inscrición poden atoparse na web do programa:https://www.xuventudementoring.gal/

Máis información do programa:https://youtu.be/p8zBJDVksMI

Poden desgargar o folleto informativo facendo clic Aquí

O próximo 27 de xullo vaise realizar unha Xornada Online "Fomento do Emprendemento en Cooperativa", organizada pola Unión de Cooperativas EspazoCoop no marco do convenio de colaboración  suscrito entre esta entidade e a Deputación da Coruña, para o fomento do emprendemento en cooperativa e consolidación de empresas creadas e cuxo obxectivo consiste en apoiar e promocionar o modelo cooperativo como fórmula de emprendemento laboral e de xeración e creación de riqueza mediante a posta en marcha de actividades económicas xunto coa creación de emprego estable.

Obxetivos da xornada:

• Divulgar as potencialidades do cooperativismo para a posta en marcha de actividades empresariais e creación de emprego.
• Detectar necesidades que favorezan o emprendemento en cooperativa.
• Dar a coñecer boas prácticas de cooperativas, especificamente no Sector de Coidados.

Data e Horario: Mércores 27 de xullo de 2022, de 10.30 a 13.30 h., a través da plataforma Zoom.

Fai clic para realizar a inscrición: Aquí

Organiza e coordina: Unión de Cooperativas EspazoCoop  – www.espazo.coop

Contacto para esta actividade: 687 324 784 – Este enderezo de correo está a ser protexido dos robots de correo lixo. Precisa activar o JavaScript para velo.