A Consellería de Economía, Emprego e Industria pon en marcha Son Executiva, un programa formativo de liderado, creatividade e empoderamento feminino.

Entre os meses de febreiro e xullo está previsto impartir formación combinada cun programa de coaching individualizado en sesións presenciais nas cidades da Coruña, Lugo, Ourense, Pontevedra e Santiago de Compostela.

O obxectivo é reforzar os coñecementos de xestión executiva para que as mulleres galegas poidan acceder a postos de alta dirección nas empresas e dar ferramentas ás participantes para potenciar o seu propio desenvolvemento cara a consecución das súas metas profesionais.

Consta de dous niveis formativos, segundo a experiencia e situación profesional das participantes e, en cada un, seleccionaranse 40 para acceder a un curso de dirección de proxectos con certificación oficial e con recoñecemento a nivel internacional.

Inscrición: Aquí

Máis información: Aquí

O Igape, en colaboración co ICEX, organiza o curso en liña “O Comercio Internacional: Transporte Marítimo e Operativa Portuaria, 8ª Edición”. Ten entre outros obxectivos os de:
- Facilitar coñecemento da operativa portuaria e os principais elementos que interveñen no transporte marítimo de mercadorías.
- Proporcionar os coñecementos necesarios para realizar unha correcta xestión dos riscos, así como os aspectos contractuais que deben considerarse.
- Familiarizar co novo código aduaneiro e as súas implicacións.
- Dominar os incoterms e a súa vinculación co contrato, o medio de pago, a loxística e as aduanas.