9 de xaneiro 2023

EspazoCoop lanza a campaña “Xa somos máis de 600 coop. A Coruña, provincia cooperativa”
Con esta campaña EspazoCoop quere poñer en valor o tecido cooperativo da provincia da Coruña e fomentar o cooperativismo entre persoas que estén no proceso de constitución dunha empresa, queran emprender o busquen transformar unha compañía nunha cooperativa.

A Unión de Cooperativas de Galicia, EspazoCoop, lanza esta semana a campaña “Xa somos máis de 600 coop. A Coruña, provincia cooperativa”, unha iniciativa desenvolta en colaboración coa Deputación Provincial da Coruña. A través desta campaña EspazoCoop quere poñer en valor o tecido socioeconómico da Coruña, provincia cun maior número de cooperativas das existentes en Galicia. En total, con máis de 600 cooperativas, a provincia da Coruña aglutina preto dun 40 % das 1.600 cooperativas actuais da comunidade.

Durante o mes de decembro, esta campaña desenvolta en radio, prensa escrita, medios de comunicación online, redes sociais e publicidade na rúa de gran formato, transmitirá os valores cooperativos e amosará a importancia das cooperativas na actividade económica da provincia da Coruña. De feito, estas máis de 600 cooperativas pertencen a sectores económicos moi diversos como o ensino, o rural, a cultura, a tecnoloxá, os servicios sociais e coidados...

22 de decembro de 2022

A Deputación da Coruña colabora no proxecto "Reto Empleo 30 días" impulsado por Eva Porto, psicóloga especialista en recursos humanos, que conta con máis de millón e medio de seguidores nas súas redes sociais.

O proxecto ten por obxecto acadar que as persoas participantes consigan un emprego no prazo de 30 días a través da realización dunha serie de retos diarios. Durante os primeiros 30 días de xaneiro as persoas participantes recibirán no seu enderezo electrónico pequenos desafíos que lles guiarán na súa procura de emprego. Neles afondarase en todos os aspectos esenciais para ter éxito na procura de emprego: currículum, entrevistas de traballo, LinkedIn, portais de emprego, etc. Ademais contarase coa participación de empresas como Endesa, Michael Page, Accenture, JD Sport, Sprinter, Minsaint, ... que irán publicando as súas vacantes a través dos distintos retos.

As inscricións realizaranse a través da seguinte páxina web:

https://evaporto.com/reto-empleo-30-dias/

Curtis, 17 de outubro de 2022

SEAGA (Empresa Pública de Servizos Agrarios Galegos, SA) comunicounos que desde o 1 de outubro ata o próximo 4 de novembro de 2022 ten aberto o prazo para a inscrición nas listaxes de persoal temporal nas seguintes categorías:

Enxeñería de Montes
Enxeñería Agrónoma
Enxeñería Técnica Forestal
Enxeñería Técnica Agrícola
Enxeñería de Camiños, Canles e Portos
Enxeñería Técnica de Obras Públicas
Arquitectura
Arquitectura Técnica
Capataz
Xefe/a de Brigada
Maquinista-condutor/a
Peón Especialista
Peón
Oficial Administrativo/a
Auxiliar Administrativo/a
Dereito
Bióloxía
Técnicos/as de Laboratorio
Titulado/a en Ciencias do Mar
Económicas

Máis información: Seaga