A Deputación da Coruña convoca a sétima edición dos Premios PEL: Premios ás mellores iniciativas empresariais da provincia (PEL-EPR PREMIO 2025), un galardón incluído entre as accións de incentivos á calidade e á innovación da idea empresarial do Plan de Emprego Local (PEL) co que se pretende recoñecer ás mellores iniciativas empresariais da provincia da Coruña, fomentando a súa imaxe positiva e realzando o seu papel fundamental como xeradoras de riqueza, emprego e benestar, contribuíndo á súa sustentabilidade, fomentando a cultura emprendedora e potenciando o rural.

Cun orzamento total de 75.000 euros, os premios están dirixidos a pequenas e medianas empresas, microempresas e persoas autónomas con domicilio fiscal nun concello da provincia da Coruña.

Nesta edición outorgaranse 20.000 euros á candidatura gañadora de cada unha das tres categorías seguintes:

1ª CATEGORÍA: Premio "Iniciativa emprendedora". Dirixida a recoñecer a labor das pequenas e medianas empresas, microempresas e persoas autónomas que iniciaran a súa actividade empresarial nas anualidades 2023, 2024 ou 2025.

2ª CATEGORÍA: Premio "Traxectoria empresarial". Destinada a recoñecer a labor das pequenas e medianas empresas, microempresas e persoas autónomas que comezasen a súa actividade empresarial durante a anualidade 2022 ou con anterioridade.

3ª CATEGORÍA A PROPOSTA DO XURADO: Premio "Proxección e innovación sostible". Sen postulación previa de candidaturas.

No caso de que o Xurado considere que algunha empresa que non chegou a obter o premio en calquera das tres categorías, teña demostrado méritos destacados, poderá outorgar ata tres accésits por valor de 5.000 euros brutos cada un. A participación só poderá realizarse mediante a presentación telemática da documentación, a través da plataforma Subtel.

O prazo de presentación de candidaturas permanecerá aberto ata o 16 de maio 2025 ás 14.00 horas.

Pode consultar as bases e a convocatoria publicadas no BOP tanto na plataforma Subtel como na páxina web dos Premios PEL: https://pel.gal/premio

Primeira convocatoria para o proceso de selección para o ingreso nas Forzas Armadas como militar de Tropa e Mariñeiría (BOE, 29 de xaneiro 2025).

Prazo de solicitude de cita previa: Do 30 de xaneiro ao 18 de febreiro

Prazas ofertadas: Exército de Terra: 3.200 (incluidas 160 prazas ás que pode optar persoal estranxeiro) Exército de Aire e do Espazo: 580 Armada: 662, das cales 383 corresponden a especialidades do Corpo Xeral (111 delas en destinos de unidades da zona do norte, que inclúen Ferrol, Tui, Marín, San Sebastián e Bilbao), 271 para o Corpo de Infantería Mariña (12 delas no Tercio Norte, Ferrol) e 8 para a especialidade de Música do Corpo de Infantería de Mariña (2 delas en Ferrol e Marín).

A destacar: 4 prazas do Corpo Xeral da Armada para o Mando Conxunto do Ciberespazo en distintas instalaciones de Madrid, Pozuelo de Alarcón y Torrejón de Ardoz. 10 prazas do Corpo de Infantería de Mariña para o ingreso na Forza de Guerra Naval Especial (unidade de operacións especiais da Armada). 25 prazas para a Garda Real.

Requisitos xerais: Nacionalidade española (ou ter en vigor a Tarxeta de Residencia Temporal ou de longa duración en España e nacionalidade de un dos 18 países que poden optar exclusivamente ás prazas para estranxeiros). Ter entre 18 e 29 anos. Carecer de antecedentes penais. Estar en posesión de un nivel de estudos mínimo correspondente ao Título de Graduado en ESO ou equivalente.

Proceso de selección: Realizarase nas Subdelegacións de Defensa mediante cita previa en: https://sede.defensa.gob.es . Segunda convocatoria: Esta oferta de emprego público completarase cun segundo ciclo de selección. Estas prazas serán publicadas posteriormente. Poderán solicitar cita previa para o proceso selectivo entre o 6 e 26 de xuño.

Folla resumen primeiro ciclo 2025. Pinchar aquí