O Concello de Curtis repartirá vales de compra entre os gañadores dos concursos de disfraces do Entroido 2017 que se celebrarán o martes, 28 de febreiro, en Curtis e Teixeiro.

Os premios, ademais de recoñecer a calidade e a orixinalidade dos disfraces, queren ser un apoio ao comercio local e por iso se incentivará o consumo nos establecementos comerciais e de hostalaría do municipio.

Para participar no concurso será obrigatoria a inscrición que se pechará o 22 de febreiro e, como en anos anteriores, os participantes que se anoten antes desa data recibirán un agasallo.

O Entroido celebrarase no salón do Recinto Feiral de Curtis e no pavillón municipal de Teixeiro, en ambas as localidades ás 17.00 horas.

BASES DO CONCURSO DE DISFRACES
'ENTROIDO 2017 DO CONCELLO DE CURTIS'

1. O concurso celebrarase o vindeiro 28 de febreiro de 2017 nas festas de entroido programadas polo Concello en Curtis e en Teixeiro.
2. Os participantes deben inscribirse ata o día 22 de febreiro de 2017 nas dependencias municipais para poder participar no concurso.
3. Para inscribirse será necesario aportar nome, apelidos, idade e categoría na que se presentan.
4. O xurado estará composto por varios membros alleos ao Concello.
5. Establécense as seguintes categorías (tanto en Curtis como en Teixeiro):
6. Concurso infantil (ata 16 anos)
   1° premio grupo: vale de compra de 100€
   1° premio individual: vale de compra de 50€
   2° premio individual: vale de compra de 50€
   3° premio individual: vale de compra de 50€
   Concurso maiores
   1° premio individual ou de grupo: vale de compra de 300€
   2° premio individual ou de grupo: vale de compra de 200€
   3° premio individual ou de grupo: vale de compra de 100€
7. En calquera das categorías o premio poderá quedar deserto se o xurado o considera oportuno.
8. Os premios deberán gastarse nos establecementos do Concello (comercio e hostalería).
9. Os gañadores deberán porse en contacto co Concello antes de gastar os vales para saber se o establecemento colabora neste programa.
10. Os persoas que non cumplan as presentes bases quedarán fóra de concurso.
11. O Concello de Curtis reservase o dereito de darlle publicidade a este concurso a través dos medios que considere oportunos.
12. A presentación a dito concurso supón a aceptación destas bases.

Datas nas que se achegará no mes de febreiro a oficina móbil da ITV ao noso municipio para ciclomotores e vehículos agrícolas:

AGRÍCOLAS

Teixeiro: xunto ao Pavillón Polideportivo

• Día: 15 de febreiro.
• Horario: De 9.00 h a 13.30 horas.

CICLOMOTORES

Curtis: Nave xunto ao Campo da Feira

• Día: 16 de febreiro.
• Horario: De 9.00 h a 13.30 horas.

PARA SOLICITAR CITA PREVIA

Telf.: 902 30 90 00
Web: www.sycitv.com

NOTA: A admisión de vehículos con características particulares estará condicionada á posibilidade de realizar as operacións de inspección regulamentarias.

O Concello de Curtis dispón de tres prazas na Campaña de Esquí da Deputación de A Coruña, ás que poderán inscribirse os nenos e nenas nados nos anos 2002, 2003, 2004, 2005 e 2006.

A actividade consistirá nunha estadía de cinco días na estación invernal de Leitariegos. O prezo será de 95 euros e inclúe o transporte, hotel e manutención, monitores, clases de esquí, seguros, alugamento de material, remontes mecánicos e todo o gasto que ocasionen as actividades e cursos programados.

Os datos son os seguintes:

• Prazas: 3 (se hai máis inscritos que prazas se realizará un sorteo)
• Datas da estancia: do 5-3-17 ao 10-3-17
• Prazo de inscrición: até o 23 deste mes de xaneiro (entregar soamente o díptico cuberto).

Consultade neste tríptico toda a información. Tamé está incluida a ficha para cubrir.