O día 18 de novembro, venres, instalarase unha carpa en Teixeiro para informar, formar e sensibilizar aos cidadáns sobre a súa necesaria colaboración na xestión sustentable dos residuos sólidos. Na rúa Faragulla, de 10.30 a 13.30 horas, monitores ambientais, apoiados de diverso material didáctico e divulgativo, explicarán os beneficios de adoptar as prácticas vinculadas ao tres erres (redución, reutilización e reciclaxe).

O Centro de Información ás Mulleres de Curtis organiza un curso de axudante de cociña para hostalería, que se impartirá desde o 7 de novembro até o 7 de decembro. A acción formativa organizarase no Centro Etnográfico de Teixeiro e na Biblioteca Municipal os mércores, de 10.00 a 13.00 horas, e os luns, martes, xoves e venres, de 17.00 a 20.00 horas.

A actividade, que é gratuita, está destinada a mulleres inscritas como demandantes de emprego.

O prazo de inscrición ao curso remata o vindeiro 2 de novembro. As prazas son limitadas. A inscrición poderá realizarse no CIM, ubicado na Casa do Concello en Teixeiro, ou nas Oficinas Municipais de Curtis.

O desenvolvemento do curso enmárcase no Programa de Mellora da Empregabilidade ás Mulleres subvencionado pola Deputación da Coruña.

A área de Orientación Laboral do Concello de Curtis organizará os días 21 e 22 de outubro un curso gratuíto de carretilla elevadora, que durará 12 horas.

• Día 21: De 16.00 a 20.00 horas.
• Día 22: De 9.00 a 13.00 horas e de 14.30 a 18.30 horas.

As clases impartiraas ECT Galicia (Grupo San Martín) no Polígono Industrial Curtis-Teixeiro. A acción formativa é para 20 persoas, que serán admitidas por orde de inscrición e terán preferencia as persoas empadroadas no municipio.

Os interesados poden inscribirse até o 10 de outubro na Casa do Concello (2º andar), en Teixeiro, ou nas oficinas municipais de Curtis. Será necesario que cubran a ficha de inscrición e entreguen a copia de demandante de emprego.

Máis información en Orientación Laboral: 981789003, ext. 37.