Axenda XXI
A aposta do Concello de Curtis polo progreso sustentable traduciuse na posta en marcha, previa elaboración dun diagnóstico, dun Plan de Acción para a Sustentabilidade con numerosas actuacións en materia ambiental, entre as que destacan as relacionadas co desenvolvemento agrario (agroecoloxía), xestión de residuos, saneamento e ordenamento urbanístico. Este plan enmárcase no programa Axenda XXI, aprobado por 173 gobernos na Conferencia de Nacións Unidas sobre Medio Ambiente e Desenvolvemento celebrada en Río de Janeiro en 1992.
Grazas a estas accións e as que se realizaron despois asociadas aos mesmos obxectivos, o municipio conseguiu, entre outras melloras:
- Implantar sistemas de xestión ambiental.
- Protexer os recursos naturais.
- Unha maior eficiencia enerxética da rede pública de iluminación.
- Vertido cero ás concas hidrográficas.
- Unha mellora dos hábitats asociados ao río Mandeo, Deo e Mendo, preservando as zonas de interese pola súa biodiversidade.
- Un mellor aproveitamento enerxético das industrias.
- Incrementar a sensibilización da poboación no respecto polo medio natural.
Por estas accións, o Concello foi condecorado co Accésit Galicia Medio Ambiente no ano 2004.
Documentos da Axenda XXI
- Diagnóstico- Síntesis- Plan de Acción- Plan de seguimiento- Plan de participación