Santa Eulalia de Curtis
Ocupa o centro-norte do concello. O seu territorio equivale ao 27,14% da superficie municipal e acolle a capital de Curtis: Teixeiro. Conta con 54 núcleos de poboación, 36 no distrito de Santaia e 18 no distrito de Teixeiro que suman en total unha poboación de 1.800 habitantes.
Esta parroquia, e sobre todo o lugar de Santaia, foi durante moitos anos o centro do municipio. Co paso do tempo, e xa a mediados de 1800, coa chegada da liña férrea primeiro a Curtis e logo a Teixeiro, a poboación desprazouse a vivir a estes dous núcleos.
