Coñecendo as cooperativas de traballo asociado.

O concello de Curtis no marco do convenio firmado cos concellos de Sobrado, Toques, Vilasantar e Boimorto para o mantemento dunha Oficina de Fomento Cooperativo desenvolveu onte, día 30 de outubro en Curtis, unha xornada de portas abertas: "Coñecendo as cooperativas de traballo asociado".

Entre os asistentes á xornada estiveron as alumnas e alumnos do IES de Curtis de bacharelato, dos ciclos formativos e persoas en busca de emprego ou emprendedoras en xeral.

O acto de clausura foi presidido por Xoán Miguel Concheiro Abal, Subdirector Xeral de Cooperativas e Economía Social e unha representación dos alcaldes que conforman a agrupación, Jacobo Fernández García, alcalde de Sobrado, Jose Antonio Castro Fraga, alcalde de Toques e Javier Caínzos Vázquez, alcalde de Curtis.