EXAME BANER HORIZONTAL

Bando urxente: restricións de auga

AVISOS CURTIS 1

O Concello de Curtis publica o seguinte bando urxente ante o risco na subministración de auga:

PROHIBICIÓN DE USOS NON AUTORIZADOS DE AUGA

Debido á escaseza de choivas e o descenso nos niveis das reservas de auga das que se abastece o noso municipio, ademais dunha avaría nunha zona de captación, faise estrictamente necesario seguir adoptando medidas urxentes para garantir o abastecemento domiciliario e o consumo humano a curto e medio prazo.


A gravidade da avería e a tensión do sistema esixen a implicación e o rigor de toda a veciñanza.

Calquera incumprimento poñerá en risco o subministro xeral do municipio.


QUEDA ESTRICTAMENTE PROHIBIDO o uso de auga potable da rede pública para calquera
finalidade que non sexa consumo doméstico, industrial ou gandeiro.
• 🚫 Encher piscinas privadas.
• 🚫 Lavar coches (agás en talleres ou lavadoiros autorizados).
• 🚫 Limpar con mangueira fachadas, terrazas, patios ou beirarrúas.
• 🚫 Regar hortas e xardíns (tanto públicos como privados).


🏡 No ámbito doméstico, industrial e gandeiro:
• Prégase a máxima responsabilidade e unha reducción drástica no consumo diario.
• Os sectores industriais e produtivos deben limitar o uso de auga exclusivamente aos procesos
imprescindibles, aplicando de maneira inmediata medidas severas de aforro e optimización.

A colaboración de todos é vital para evitar cortes no subministro.

O alcalde,
Javier Francisco Caínzos Vázquez

ACCEDE AQUÍ AO BANDO ASINADO EN PDF

O Concello de Curtis ultima os preparativos da XXV Festa do Cabalo de Teixeiro, que se celebrará o vindeiro 2 de agosto

programa festa do cabalo 1

O Concello de Curtis afronta a recta final dos preparativos da XXV Festa do Cabalo de Teixeiro, unha das principais citas cabalares da contorna, que este ano acada a súa vixésimo quinta edición. O evento, organizado polo Concello de Curtis, reunirá afeccionados e participantes do mundo do cabalo este domingo 2 de agosto no parking do polígono industrial de Teixeiro.

A xornada arrancará ás 10:00 horas co Concurso Morfolóxico Oficial da Copa Galicia, puntuable para a Copa Galicia de Cabalos e Eguas de Pura Raza Galega. Ao longo da mañá sucederanse as distintas seccións de sementais, eguas, cabalos cruzados e ponis, cos correspondentes premios para cada categoría.

O programa contempla tamén probas de andadura, tanto na modalidade non federada como na federada, esta última integrada no Campeonato Galego de Andadura. A pista 3 acollerá, a partir das 16:30 horas, o Campeonato Galego de Enganches nas categorías de troncos, limonera e ponis.

A xornada continuará ás 18:00 horas co espectáculo ecuestre Paco Martos Horse Show. A entrega de premios está prevista para as 19:15 horas e, a partir das 19:30, terá lugar o sorteo dun equipo completo de equitación e a clausura desta edición especial.

A festa conta coa colaboración da Xunta de Galicia, a Deputación da Coruña, a Asociación Pura Raza Cabalo Galego e a Federación Hípica Galega.

programa festa do cabalo 2

PREME NESTA LIGAZÓN PARA ACCEDER AO PROGRAMA

En la web www.curtis.gal, www.curtis.es y www.concellodecurtis.org utilizamos cookies propias y de terceros. Si continúa navegando, consideramos que acepta su uso y nuestra política de protección de datos. Mas información.