CURSO DE IGUALDADE DE XÉNERO
O Centro de Información ás Mulleres do concello de Curtis organiza un Curso de Igualdade de Xénero que ten por obxectivo facilitar un maior coñecemento sobre o valor da igualdade como eixo para o desenvolvemento social. Abordaranse aspectos tales como o sistema sexo – xénero, machismo, feminismo, estereotipos sexuais, conciliación, coeducación, corresponsabilidade ou violencia de xénero, entre outros contidos.
O curso, que ten unha carga lectiva de 20 horas, desenvolverase do 5 ó 26 de marzo no Edificio de Usos Múltiples de Teixeiro, os martes e xoves en horario de 10:30 á 13:30 horas.
O prazo de inscrición para participar no curso finaliza o 26 de febreiro de 2015.