A bo ritmo as obras de mellora da seguridade viaria nas parroquias
As obras de limpeza de cunetas e de asfaltado de pistas municipais en varias parroquias do concello de Curtis e nos núcleos urbanos avanzan a moi bo ritmo. O investimento nestas execucións do Plan de Acción Social (PAS) é de 119.162 euros.
O Concello curtiense incorporou a este plan a mellora da seguridade viaria desde a N-634 a Brexería e no acceso a Abelar, na parroquia de Santa Eulalia; nos camiños de Castelo-Paradela-Labrada, de Abeledo-Filgueira-Portofaxado, do Cruzamento de Pedreira a Edrada e de Pontavila a Río, en Foxado, e da N-634 a Pardiñeiras e a Alvite, do Exameado ao límite do municipio e de Casanova a Iglesiario, en Fisteus. Ademais, mellorarase a sinalización horizontal de Curtis e Teixeiro.
As obras inclúense no PAS de 2016, que ascendeu a máis de 300.000 euros. O 60% deste orzamento foi destinado a proxectos propostos polos veciños nas asembleas cidadás convocadas polo Goberno local.