O Concello de Curtis trasladou as necesidades na área de emerxencias e de Protección Civil

O xefe de Servizos e de Emerxencias de Protección Civil da Coruña, Víctor Vázquez, mantivo hoxe unha reunión cos profesionais do Grupo de Emerxencias Supramunicipal de Curtis, o alcalde curtiense, Javier Caínzos, e o concelleiro de Seguridade, Emilio Souto, para falar das necesidades deste servizo de atención cidadá e de cooperación entre ambas as entidades.

Ademais, o responsable de Protección Civil aproveitou para coñecer as instalacións do GES e as actividades que desenvolve o Concello, e puido falar co persoal de garda o tempo en que non estivo fóra da base apoiando en intervencións.