A concellaría de Cultura activa o XIV Premio de Narración Curta do Concello de Curtis. Na convocatoria deste ano a temática é “case” libre.

A idea: cóntanos o que queiras, pero no teu relato terán que aparecer: vacas, un tren e... zombis!

É un RETO LITERARIO! Anímate!

BASES DO CERTAME DE NARRATIVA CURTA DO CONCELLO DE CURTIS
RETO LITERARIO: VACAS, UN TREN E ZOMBIS

1.-Convócase o XIV Premio de Narración Curta do Concello de Curtis “RETO LITERARIO:VACAS, UN TREN E ZOMBIS”.

2.- Os traballos presentados deberán estar escritos en lingua galega.

3.-Os textos deberán ser orixinais, inéditos, e non premiados en ningún outro certame.

4.- Deberán enviarse escritos en formato Word e cunha extensión comprendida entre os 3000 e os 5000 caracteres (espazos incluídos).

5.-Enviaranse á seguinte dirección de correo electrónico: Este enderezo de correo está a ser protexido dos robots de correo lixo. Precisa activar o JavaScript para velo.. Achegarase no documento de Word unha última folla que conteña unha copia do DNI, enderezo, teléfono de contacto, e a categoría á que pertence.

6.- A data límite de entrega é o 20 de abril de 2019.

7.-Establécense dúas categorías:

• A-alumnado dos centros de ensino a partir dos 12 anos
• B-dos 18 anos en diante

         e dous premios en metálico para cada categoría:

         Categoría A:

• 1º premio de 200 euros
• 2º premio de 100 euros

        Categoría B:

1. 1º premio de 350 euros
2. 2º premio de 150 euros

8.-Os traballos que non cumpran as presentes bases quedarán fóra de concurso.

9.- Os premios estarán suxeitos a retención oportuna que resulte da aplicación da lei vixente en materia de rendas de persoas físicas no momento da súa concesión.

10.- O xurado, que estará composto por membros de recoñecido prestixio dentro do mundo da cultura, resérvase o dereito de outorgar un premio compartido en calquera das categorías se así o considera

11.-Os traballos premiados pasan a ser propiedade do Concello de Curtis, que se reserva o dereito de publicación a través dos medios que considere oportunos e sen afán de lucro

12.- Convidarase ós/ás premiados/as ó acto de entrega que terá lugar no mes de xuño, e no que se agarda a súa asistencia ou a dunha persoa autorizada.

13.- A presentación das obras supón a aceptación destas bases.

Para calquera dúbida, escribir ó correo electrónico do certame: Este enderezo de correo está a ser protexido dos robots de correo lixo. Precisa activar o JavaScript para velo. ou chamar ó 651046603.

• Os días 27 e 28 de outubro organizarase a V Feira do Comercio Local de Teixeiro e as rutas gastronómicas en Curtis e Teixeiro.

O municipio de Curtis celebrará un dos seus produtos estrela, o cogomelo e as decenas de variedades que crecen nos seus montes, o último fin de semana deste mes de outubro, os días 27 e 28, na que será xa a XIX Exaltación dos Cogomelos en Teixeiro.

Organizada desde a área de Promoción Económica do Concello, incluirá un ano máis accións de impulso da hostalaría, o comercio e a música popular, ao mesmo tempo que incidirá nos aspectos didácticos con expertos e con saídas ao monte co fin de programar unha oferta variada para os centos de afeccionados á micoloxía e aos amantes da gastronomía relacionada con este produto.

Así, durante ese fin de semana, a vintena de locais de hostalaría de Curtis e Teixeiro que se sumaron á ruta gastronómica ofrecerán a oportunidade de degustar distintas tapas, petiscos e pratos elaborados con cogomelos, desde os máis tradicionais aos máis arriscados. Ademais, os visitantes poderán coñecer o mellor comercio de Teixeiro xa que a Asociación de Comerciantes organizará a súa V Feira Local, para a que instalará unha gran carpa na Praza de España con decenas de expositores.

O sábado será a xornada para as charlas micolóxicas, que se impartirán ás 10.00 horas no salón de plenos do Concello, antes da saída ao monte á procura de cogomelos dirixida por expertos micólogos da Asociación Pan do Raposo, á que están convidadas a participar todas as persoas interesadas.

Pola tarde, ás 20.00 horas, celebrarase o V Dakar Ghaiteiro, e a partir das 22.00 horas, a VIII Ruada de Teixeiro, organizada pola asociación cultural Faragulla en casa Miraz, con distintos grupos de cante e baile tradicionais.

• Tríptico da XIX Exaltación dos Cogomelos 
  

A área de Cultura do Concello de Curtis organiza para os veciños e veciñas interesados unha viaxe a Segovia, Toledo e Salamanca de tres días, do 28 ao 30 de setembro, co fin de permitir o coñecemento de novas cidades e culturas a prezos máis reducidos.

O número de prazas é de 47 (por orde de inscrición) e os prezos (con todo incluído:  transporte, hotel con pensión completa e guías) son os seguintes:

• Habitación doble: 147,45 euros por persona
• Habituación individual: 202,45 euros por persona

As persoas interesadas, que deberán ser maiores de 18 anos, poderán inscribirse ate o 7 de setembro nas dependencias municipais:

• Casa do Concello, na Praza de España, en Teixeiro. Telf. 981789003
• Oficina Municipal nas instalacións da Feira Comarcal, en Curtis. Telf. 981777105