Curtis, 4 de outubro de 2013.

O Concello de Curtis conta desde o 25 de setembro coa súa sede electrónica a través da plataforma posta en marcha pola Deputación da Coruña

Con esta ferramenta en actividade, os veciños do municipio poden realizar trámites administrativos desde a súa casa as 24 horas do día e os 365 días do ano.

O pasado 28 de setembro finalizou o curso de defensa persoal feminina organizado polo Centro de Información ás Mulleres do concello, no que se inscribiron un total de vinte mulleres, de idades comprendidas entre os 16 e 49 anos. A actividade realizouse durante dous sábados en horario de 16:00 a 20:00 horas de xeito que as mulleres que estiveran traballando puideran participar no mesmo.