OBRADOIROS DE IGUALDADE NOS CEIP DE CURTIS E DE TEIXEIRO
Durante o mes de abril leváronse a cabo nos CEIP de Curtis e de Teixeiro diferentes obradoiros relacionados coa igualdade de xénero ascendendo a setenta e catro o número de participantes, alumnado de 4º e 5º de Primaria dos referidos centros educativos.
Entre os temas tratados durante as actividades desenvolvidas, levadas a cabo dende o Centro de Información a Muller do concello de Curtis, destacan o bo e o mal trato, os estereotipos de xénero, a discriminación por razón de xénero e a corresponsabilidade familiar e laboral, entre outros.