O Concello de Curtis abriu o prazo de inscrición para os mozos que estean interesados en participar no proxecto 'Deseñando o teu futuro,' co que poderán ter o seu primeiro contacto co mundo laboral en empresas do municipio.

O programa, destinado a xóvenes de 14 a 18 anos de idade e que se iniciou o ano pasado a través de Dirección Xeral de Xuventude e Voluntariado da Consellería de Traballo, permitiralles realizar estadías en empresas este verán un mínimo de 4 horas ao día durante un mínimo de 5 días e un máximo de 15 hábiles. Durante ese tempo, os mozos adquirirán coñecementos e habilidades que favorecerán o seu desenvolvemento persoal e facilitarán a toma de decisións na súa traxectoria formativa profesional.

O ano pasado participaron 10 xóvenes, que desenvolveron as súas estadías en empresas de diversos sectores, tales como automoción, reciclaxe, sector eléctrico, industria da madeira e carpintería.

Os interesados poden solicitar información en:

• A través dunha mensaxe privada no Facebook de Xuventude
• Concello de Curtis. Telf. 981789003

 Programa.pdf

O Concello de Curtis organizará, en coordinación coa Consellería de Medio Rural, charlas e cursos para a obtención do carné que se esixe desde finais do ano pasado para adquirir e aplicar produtos fitosanitarios de uso profesional.

Os calendarios son os seguintes:

CHARLA INFORMATIVA O 26 DE ABRIL DE 12.00 - 12.30 HORAS

Información: Cambio normativo, persoas que estan obrigadas a obter o curso de aplicador-manipulador de produtos fitosanitarios básico e cualificado.
Lugar: Recinto Ferial s/n. Curtis.

CURSO DE APLICADOR-MANIPULADOR DE PRODUTOS FITOSANITARIOS. NIVEL BÁSICO

Realización: maio 2016

• Duración: 20 horas.
• Horario: Tarde.
• Custo: Taxas oficiais (8,83€)
• Dirixido a: Profesionais do sector.
• Prazas limitadas. Imprescindible inscrición previa en: Orientación Laboral 981789003 Ext. 37

CURSO DE RENOVACIÓN. NIVEL CUALIFICADO

• Realización: Segundo semestre 2016
• Duración: 5 horas.
• Custo: Taxas oficiais.
• Dirixido a: Profesionais do sector.
• Prazas limitadas. Imprescindible inscrición previa en: Orientación Laboral 981789003 Ext. 37

Máis información:

Web da Consellería de Medio Rural