banner narracion curta XIV

O CIM de Curtis aumentou nun 21% o número de usuarias en 2019

O Centro de Información á Muller do Concello de Curtis vén de presentar a súa memoria anual de actividades de 2019, coas que reforza o servizo de información, apoio e asesoramento xurídico e psicolóxico que diariamente ofrece ás mulleres na súa oficiña, situada no edificio consistorial.

As súas cifras de asistencia vense incrementadas ano tras ano. No 2019 foron 152 mulleres as atendidas polo servizo, o cal supón un aumento dun 21% con respecto ó ano 2018.

En 2019 o CIM seguiu traballando arreo na sensibilización contra a violencia de xénero e na consecución dunha conciliación laboral e familiar real, seguindo a vontade do Concello de acadar unha igualdade de oportunidades entre mulleres e homes.

Un pilar fundamental foi o desenvolvemento do IV Plan de Igualdade, que contou cunha ampla participación social, e que impulsou medidas concretas contra a precariedade laboral das mulleres e a lacra da violencia de xénero, priorizando a súa denuncia e concienciando da dimensión deste problema na nosa sociedade.

Destaca tamén o programa “Coidadoras”, en colaboración coa Fundación Mulleres. O obxectivo deste proxecto é mellorar a calidade de vida das mulleres que se ocupan de persoas dependentes, minimizando os problemas derivados das tarefas do coidado.

 

Xornadas e obradoiros

Ó longo de 2019 o CIM impartiu ducias de obradoiros e xornadas formativas: coaching para fomentar o empoderamento femenino, orientación laboral para vítimas de violencia de xénero, alfabetización dixital, fotografía, primeiros auxilios, control de estrés, defensa persoal, terapia ocupacional con animais…

Un amplo abanico de actividades pensadas para mellorar as capacidades das mulleres e reforzar a súa seguridade e autoestima.

Conciliación

O Concello de Curtis, fundamentalmente a través do CIM, está a realizar un gran esforzo por axudar ós veciños e veciñas a conciliar familia e traballo no seu día a día.

Así o demostra co seu servizo de madrugadores e recollida tardía nas escolas, e coa organización de campamentos en verán e Nadal, pensados para evitar que as vacacións dos nenos e nenas supoñan un problema de conciliación para nais os pais.

 

logo n cim

500 curtienses poden viaxar gratis no transporte interurbano

A Xunta de Galicia vén de aumentar o rango de idade dos usuarios da tarxeta Xente Nova, que proporciona transporte interurbano gratuito para fomentar a mobilidade e aliviar os gastos correntes das familias.

Se ata 2019 estaba limitada a nenos e xóvenes de ata 18 anos, agora esta idade aumenta ata os 20, o que supón que 500 curtienses poden viaxar gratis no transporte interurbano.

O Concello de Curtis forma parte da rede de concellos beneficiarios dende o nacemento desta iniciativa, no ano 2016, polo que o seu alcalde amosouse satisfeito con esta decisión do goberno galego.

“O incremento do rango de idade dos beneficiarios desta tarxeta é unha excelente medida, pois supón liberar dun gasto habitual a mais familias curtienses”, sinalou Caínzos.

 

ge8p10g1 01

 

En la web www.curtis.es y www.concellodecurtis.org utilizamos cookies propias y de terceros. Si continúa navegando, consideramos que acepta su uso Mas información.