Banner XIV premio de narracion curta concello de curtis

Curtis distribuirá en edificios públicos e comercios pictogramas para facilitar a actividade diaria das persoas con trastornos como o autismo

  • O alcalde Javier Caínzos apunta que o obxectivo é facilitar a vida cotiá das persoas e conseguir contornas accesibles en igualdade.
  • Tamén porá en marcha acciones de concienciación, que comezan este luns, día 8, cunhas charlas de dous especialistas sobre a infancia e o autismo.

pictogramasO Concello de Curtis quere facilitar ás persoas con capacidades diferentes, especialmente aos máis pequenos, unha maior accesibilidade nas contornas públicas para facilitar a súa integración e o desenvolvemento das súas actividades diarias.

Para iso, iniciará a distribución nos edificios públicos e nos locais comerciais do municipio pictogramas que sinalen instalacións e lugares, o que facilitará a súa identificación ás persoas con alteracións na comunicación, a interacción e a linguaxe, como son as persoas con trastornos TEA (autismo).

Esta campaña desenvolverase desde a área de Igualdade, xa que, sostén o alcalde de Curtis, Javier Caínzos, "as administracións deben fomentar a comunicación tamén en clave de igualdade xa que esta é fundamental non só para o desenvolvemento da sociedade senón tamén para o desenvolvemento persoal". "Existen sistemas alternativos de comunicación, e por tanto de representación da linguaxe, que facilita enormemente a vida cotiá das persoas e por iso este é un paso máis para conseguir contornas accesibles en igualdade", incidiu.

O CIM Curtis traballa xa nos colexios e cos comerciantes para establecer con eles unhas pautas de traballo e de concienciación para conseguir contornas máis accesibles. Ademais, puxéronse en marcha talleres de concienciación en materia de discapacidade e de capacidades diferentes, que se desenvolverán de maneira progresiva durante todo o ano.

Concienciación

A primeira das accións serán as charlas que impartirán este luns, día 8, ás 16.30 horas, dous especialistas en trastornos TEA no Centro Etnográfico de Teixeiro, e que conta xa con preto de 80 persoas inscritas.

Os relatores, que falará do autismo e a infancia e de como se desenvolve a vida diaria das persoas con TEA, serán Betania Croba Fernández, profesora da Facultade de Ciencias dá Saúde e membro de Grupo de investigación TALIONIS (Tecnoloxía Aplicada á Investigación en Ocupación, Igualdade e Saúde) da UDC, e José Antonio Rama Fandiño, director de PASITOS, Centro de Desenvolvemento Infantil.

Luz verde ao proxecto de ampliación e mellora da DP-3201 ao seu paso por Curtis e a unha senda peonil

  • A estrada pasará de 5 a 9 metros de ancho e mellorará os accesos ás explotacións agrogandeiras da zona.
  • O investimento nesta actuación superará o millón de euros.

dp3201O Concello de Curtis deu a o visto e prace ao proxecto redactado pola Deputación de A Coruña para a ampliación e mellora da DP-3201, Estación de Curtis ao Carregal e Gorxá e a senda peonil na intersección coa estrada autonómica AC-231. A base de licitación é de 1.130.346 €.

A estrada dota de acceso a algunhas explotacións agrícolas e de transformación vinculadas ao sector primario, o que supón que se xenere un volume de vehículos pesados moi superior ao habitual nos núcleos de poboación aos que da servizo.

As obras consisten na ampliación e mellora do firme da estrada provincial, nun tramo de 2,65 metros, entro os p.k. 8+400 e 11+030.

A actuación contempla unha ampliación do ancho da calzada actual, sen pintar que pose un ancho aproximado de 5 metros, ata os 9 metros, cunha configuración de dous carrís de 3,5 metros de ancho, un por sentido, e beiravías de 1 metro.

O trazado en planta coincide sensiblemente coa trazado actual, agás nun pequeno tramo nas proximidades ao núcleo de Santaia, no que se fai unha pequena variante do trazado.

No núcleo de Santaia, proxectase unha mellora local do trazado cun tramo de variante de 100 metros de lonxitude que permite suprimir tres curvas moi acusadas de reducido radio, afastarase ao mesmo tempo a estrada da igrexa e cemiterio parroquial e reordenando os accesos, mediante o deseño dunha nova intersección, que facilita o acceso de vehículos pesados a unhas instalacións de transformación dunha cooperativa agropecuaria existente.

Ademais, na zona de Santaia, entre os p.k. 8+700 e 9+700, pola marxe esquerda prevese a execución dunha senda peonil de dous metros de ancho, con pavimento de formigón coloreado así coma iluminación.

En la web www.curtis.es y www.concellodecurtis.org utilizamos cookies propias y de terceros. Si continúa navegando, consideramos que acepta su uso Mas información.