Banner XIV premio de narracion curta concello de curtis

A terapia con animais para menores recibe un recoñecemento nacional como iniciativa innovadora contra a violencia de xénero

  • É o segundo ano consecutivo que o Concello de Curtis recibe este recoñecemento. Nesta edición, dos 13 galardoados, Curtis é o único municipio galego.
  • Os VI Premios ás Boas Prácticas Locais destacan o carácter innovador deste servizo e "as posibilidades que ofrece para ser aplicada noutros contextos".

Terapia CurtisO servizo de terapia asistida con animais para a atención a menores expostos a situacións de violencia de xénero posto en marcha como iniciativa pioneira polo Concello de Curtis foi recoñecido nos VIPremios ás Boas Prácticas Locais. Estos galardóns os concede de maneira anual a delegación do Goberno para a Violencia de Xénero e a Federación Española de Municipios e Provincias.

Este galardón, recibido como mención honorífica na área de 'Detección e coordinación', é o segundo consecutivo que gaña a área de Igualdade curtiense xa que na edición do ano pasado foi premiada pola posta en marcha do 'Protocolo de actuación contra a violencia de xénero'. Curtis foi o primeiro municipio que o activou en Galicia.

Nesta edición, dos 13 premiados, Curtis é o único concello de Galicia que recibe este recoñecemento. O xurado destacou a calidade desa acción, "que entendemos poderá resultar de gran interese para outras entidades pola súa eficacia, o seu carácter innovador e as posibilidades que ofrece para ser aplicada noutros contextos".

O servizo de terapia asistida con cans adestrados, desenvolvida polo CIM Curtis, quere axudar a mellorar a calidade de vida dos máis pequenos a través da súa recuperación psico-social, axudándolles a xestionar as súas propias emocións e buscado un equilibrio emocional que repercuta directamente na súa saúde.

O CIM Curtis incluíu esta nova terapia, así como o servizo de terapia ocupacional coas mulleres vítimas da violencia de xénero entre as súas accións de traballo, así como a investigación da violencia de xénero no rural para axudar a enfocar mellor as posibles solucións, máis acordes coas características específicas das mulleres que viven nestas contornas.

Proxectos innovadores

Con estes recoñecementos, Goberno central e FEMP pretenden visibilizar proxectos innovadores na súa estratexia da loita contra a violencia de xénero e premiar o compromiso das administracións locais, intercambiando experiencias e ideas e proxectos exitosos desde as políticas máis próximas coa cidadanía.

Os premios serán entregados o día 29 deste mes en Madrid.

 

Novo sendeiro na contorna no río Deo para conservar e potenciar o patrimonio natural

Deo copyA conselleira de Medio Ambiente, Territorio e Vivenda, Angeles Vázquez, xunto co alcalde Javier Caínzos e o edil de Medio Ambiente, Antonio Fraga, supervisou os traballos realizados para acondicionar e mellorar unha parcela de 16.000 m2 de extensión próximas ao río Deo,  co fin de conservar e potenciar o patrimonio natural deste enclave.

Grazas a esta actuación, na que se investiron máis de 40.000 euros, dotouse á Gulpilleira, Paredes e Os Muros, da parroquia de Santa Eulalia, dunha nova zona de paseo á beira do río e recuperouse esta zona.

Ángeles Vázquez indicou que esta contorna do río Deo precisaba dunha actuación coa que recuperase ambientalmente, sobre todo tendo en conta a importancia deste río, “moi apreciado e coñecido entre os amantes da pesca, especialmente de troita e salmón”; pero sobre todo para avanzar no reto que se marcou a Consellería de Medio Ambiente, como é a protección, conservación e posta en valor do rico patrimonio natural que hai en Galicia.

Grazas a actuación executada, que contou con financiación de fondos Feder, púidose acondicionar e mellorar unha parcela municipal de 16.000 m2 de extensión situada ao carón do río. Os traballos consistiron no desbroce completo da zona, con movementos de terras, aporte de terra vexetal e semente de céspede de gramíneas autóctonas; a plantación de castiñeiros micorrizados con diferentes variedades de cogomelos; e a dotación de sendeiros de xabre para facilitar as visitas.

A conselleira destacou que para a nova plantación primouse o uso de especies de castiñeiro seleccionadas, como a Castanea Sativa e as variedades Soutovello, Amofrei e Marigoule, que foron micorrizadas con tres variedades diferentes de cogomelos. Deste xeito, tamén se permite acadar unha óptima produción de castaña e cogomelos.

A conselleira, o alcalde e o edil de Medio Ambinte animaron aos veciños de Curtis a aproveitar esta zona e percorrer os sendeiros, para coñecer e poder divulgar o patrimonio natural que esconde este enclave, xa que tamén é unha ferramenta para a súa conservación.

En la web www.curtis.es y www.concellodecurtis.org utilizamos cookies propias y de terceros. Si continúa navegando, consideramos que acepta su uso Mas información.