Máis de 150 veciños participaron no Día da Bicicleta
Máis de 150 persoas de todas as idades participaron no Día da Bicicleta organizado polo Concello curtiense este sábado, 1 de agosto.
Os animados ciclistas saíron do Pavillón Polideportivo de Curtis e da Praza de España en Teixeiro, e ambas rutas percorridas finalizaron en San Roque de Xabriño, onde se procedeu a galardoar ao ciclista máis novo, de seis anos de idade; ao máis veterano, con 84 anos; á bicicleta máis orixinal e ao grupo de participantes máis numeroso. Tamén se sortearon varios premios, unha bicicleta de montaña e complementos deportivos.
Entre os afeccionados ciclistas se encontraban membros da Corporación, entre eles o alcalde Javier Caínzos. A concelleira de Deportes, Eva Lata, fixo entregada dos galardóns.
As fotos da xornada deportiva pódense consultar no Facebook do Concello de Curtis: https://www.facebook.com/ConcelloCurtis