Vostede está aquíEmprego e FormaciónNovas empregoAgenda

Numeracion Curtis logos

O Día da Bici celebrarase o domingo, 12 de agosto

Bici 18O popular Día da Bici, que organiza a área de Deportes do Concello de Curtis celebrarase o domingo 12 de agosto, e o prazo para inscribirse está aberto ata o día 9 deste mes. A actividade está pensada para fomentar hábitos de vida saudable e para incentivar a participación de todos os veciños, sen límite de idade.

A marcha sairá desde a Casa Consistorial en Teixeiro e desde o pavillón municipal de Curtis, en ambos os casos ás 10.30 horas, e o punto de encontro final será San Roque de Xabriño, onde se entregarán trofeos ao participante máis novo, ao máis veterano, ao grupo ciclista máis numeroso e á bicicleta máis orixinal.

Como en anos anteriores, sortearase unha bicicleta de montaña. Para poder optar a ela, do mesmo xeito que aos trofeos, é necesario estar inscrito. Será obrigatorio levar casco.

  • Lugar de inscrición: Casa do Concello, en Teixeiro, e nas oficinas municipais no Recinto Feiral de Curtis.

Un verán cultural cheo de contos para os máis pequenos

Os máis pequenos da casa, pero tamén toda a familia, poden, un ano máis, disfrutar do verán cultural programado para eles polo Concello de Curtis.

caxotoA actuación de Luis Valecillo e o seu espectáculo 'Cantamos un conto?', que se organizou a inicios de xullo no Edificio Multiusos de Curtis, lle seguirán as seguintes actuacións:

19 de xullo:

26 de xullo

  • Obra: 'Cores', de Marta Ortiz, contos con obxectos de reciclaxe e música.
  • Lugar: Multiusos de Curtis
  • Horario: 11.30 horas. 

6 de agosto

  • Obra: 'O Círculo Máxico dos Contos', de Marisa Irimia. Sesión de narración oral onde os sentidos e a maxia das palabras cobran un especial protagonismo.
  • Lugar: Multiusos de Curtis
  • Horario: 11.30 horas. 

21 de agosto

  • Obra: 'Contos de Medo que Deixan durmir', de Caxoto Contacontos. A sesión é un paseo ao longo da tradición mística galega por un camiño cheo de gratas sorpresas onde achegarémonos ao medo desde a risa e a desmitificación.
  • Lugar: Edificio de Usos Múltiples de Teixeiro
  • Horario: 11.30 horas. 

 

Datas para pasar a ITV de turismos e vehículos agrícolas en xullo

itv xullo 18Datas nas que se achegará este mes de xullo a oficina móbil da ITV ao noso municipio para a revisión de turismos.

Ademais, de xeito excepcional, o 27 de xullo, en horario de 9.00 a 13.30 horas, haberá unha unidade móbil para pasar revisión aos vehículos agrícolas.

TEIXEIRO 

Lugar: Xunto ao Pavillón Polideportivo

Días: 19 e 20 de xullo (turismos)

  • Horarios: De 9.00 h a 13.30 horas, e de 15.15 h. a 18.00 horas.

Día: 23 de xullo (turismos)

  • Horario: De 9.00 h a 13.30 horas.

CURTIS 

Lugar: Nave xunto ao Campo da Feira

Días: 24 e 26 de xullo (turismos)

  • Horario: De 9.00 h a 13.30 horas, e de 15.15 h. a 18.00 horas.

Día: 27 de xullo (turismos e vehículos agrícolas)

  • Horario: De 9.00 h a 13.30 horas.

PARA SOLICITAR CITA PREVIA

Poderase solicitar cita previa para a inspección as 24 horas, os 7 días da semana, a través de:

NOTA: A admisión de vehículos con características particulares estará condicionada á posibilidade de realizar as operacións de inspección regulamentarias.

Os 11 quilómetros entre Curtis e Teixeiro máis solidarios

  • A I Carreira e I Andaina na Loita contra ou Cancro que organiza o Concello de Curtis e a Asociación da Loita contra o Cancro celebrarase o 8 de xullo.

FotoCarreraO 8 de xullo, os 11 quilómetros que separan Curtis e Teixeiro converteranse nun símbolo do esforzo na loita contra o cancro ao ser esta a distancia que percorrerán as decenas de atletas que participarán na I Carreira Solidaria para adultos e na I Andaina para todas as idades que organiza o Concello de Curtis en colaboración coa Asociación de Axuda contra o Cancro.

A iniciativa foi presentada onte na Praza de España en Teixeiro polo alcalde de Curtis, Javier Caínzos, acompañado do primeiro tenente de alcalde, Antonio Fraga; o presidente da Federación Galega de Atletismo, Isidoro Hornillos, e representantes da Asociación da Loita contra o cancro do municipio de Curtis e da provincial da Coruña.

Durante a presentación, animouse á participación nesta iniciativa, pensada para visualizar o camiño que aínda queda por andar na loita contra esta enfermidade e para que participen persoas de todas as idades, adultos na carreira e na andaina, pero tamén nenos, que poderán inscribirse só na andaina.

A saída da proba será ás 11.00 horas desde o polideportivo municipal de Curtis, e a meta estará na Praza de España, en Teixeiro. O primeiro tenente de alcalde, Antonio Fraga, destacou que a saída de carreira, que terá continuidade nos próximos anos, será rotatoria entre os dous pobos.

Os prazos de inscrición, que se pechará o día 4 de xullo, están xa abertos na páxina da Federación Galega de Atletismo.

Os campamento de verán 2018 do Concello de Curtis serán temáticos e potenciarán a igualdade desde a infancia

CAMPAMENTOS URBANOS CONCELLO DE CURTIS 2018

CARTELOs Campamentos Urbanos organizados polo Concello de Curtis para facilitar a conciliación familiar este verán desenvolveranse desde o 25 de xuño ata o 17 de agosto e serán, un ano máis, de carácter temático en función das quendas elixidas. Nesta edición, ademais, as actividades se desenvolverán cunha perspectiva de xénero para fomentar a igualdade desde a infancia.

Estas son as temáticas:

  • 25 xuño ao 6 de xullo: Stars War
  • 9 ao 20 de xullo: temática Circo
  • 23 de xullo ao 3 de agosto: Disney
  • 6 ao 17 de agosto: Roma

Os campamentos organizaranse de luns a venres, de 9.00 a 14.00 horas, excepto os festivos, nas instalacións do CEIP de Teixeiro e no Centro de Lecer Infantil de Curtis.

Para poder participar neles, a idade mínima é a dos nenos e nenas nados en 2014. As actividades incluídas serán atletismo, fútbol, fútbol sala, balonmán, voleibol, padel, bádminton e deportes acuáticos, así como xogos de mesa e de expresión, talleres, manualidades, disfraces e excursións.

A inscrición deberá realizarse ata o 20 de xuño (este día incluído) ben na Casa do Concello de Teixeiro ou nas oficinas municipais de Curtis. O obxectivo desta inscricion é coñecer o número de participantes, pero no caso de non ter claras as datas nas que participar agora se poderán anotar noutras quendas de xullo e agosto. É dicir, en cada quincena darase un prazo para inscribirse na quenda seguinte.

  • Folleto dos campamentos e ficha inscrición: pdf

En la web www.curtis.gal, www.curtis.es y www.concellodecurtis.org utilizamos cookies propias y de terceros. Si continúa navegando, consideramos que acepta su uso y nuestra política de protección de datos. Mas información.