A XIX Xuntanza dos Maiores celebrarase o 15 de abril en Teixeiro

xuntanza dos maiores 2018 1 A área de Benestar do Concello de Curtis prepara xa a que será a XIX Xuntanza dos Maiores, que se celebrará o 15 de abril, domingo, co fin de ser un punto de encontro para que as veciñas/os de máis idade do municipio se xunten como cada ano a compartir experiencias e vivencias. Ademais, o Goberno local quere recoñecer con esta xuntanza o importante papel que xoga a terceira idade na nosa sociedade.

Nesta edición a celebración será no pavillón deportivo de Teixeiro. Cada ano, o Concello rota o lugar de organización entre as localidades de Curtis e Teixeiro.

As persoas interesadas en acudir poderán retirar as invitacións a partir deste luns, día 12 de marzo, ata o 11 de abril na Casa do Concello, en Teixeiro, ou ben nas dependencias municipais de Curtis. É imprescindible que presenten o carné da terceira idade.

Curso gratuíto de PRL para o manexo seguro de camión grúa e pluma

formacion O servizo de Orientación Laboral do Concello de Curtis organiza 'Curso de PRL para o manexo seguro de camión grúa e camión pluma'.

Destinatarios: Prioritariamente persoas desempregadas ou persoas que requiran desta formación para o desempeño do seu posto de traballo actual.
Lugar: Polígono industrial Curtis-Teixeiro.
Imparte: E.C.T. Galicia (Grupo San Martín)
Prezo: Gratuíto
Prazas, limitadas: 10
Inscrición: Ata o 30 de marzo de 2018 na Casa do Concello (2º andar), Teixeiro // Oficina Municipal de Curtis.

Documentación: Cubrir ficha de inscrición e fotocopia da tarxeta de demandante de emprego, de ser o caso.

Curso de preparación das probas libres da ESO

estudiante A área de Educación do Concello de Curtis informa da organización do 'Curso de preparación das probas libres da ESO'

Data: 13 marzo 2018 ata o 24 de maio 2018
Horario: 20.00 a 22.00 horas de luns a venres.
Lugar: Recinto Ferial de Curtis.
Requisitos: Mínimo 15 alumnos/as inscritos para o inicio do curso.
Inscrición: Prazo do 5 ao 13 de marzo de 2018.

Imprescindible cubrir ficha de inscrición e entregar fotocopia do DNI.

Máis información: Servizo de orientación laboral: Telf.: 981789003 Ext.2037

Curso de operacións auxiliares e electromécanica de vehículos

coches Apertura do prazo para inscribirse no curso 'Operacións auxiliares e electromécanica de vehículos"

Requisitos de acceso:

Estar desempregado e inscrito/a na oficina de emprego de Betanzos. Excepcionalmente poden inscribirse persoas empregadas.
Non se esixe titulación mínima para participar.
O 15/03/2018 ás 15:30 horas terá lugar unha proba de aceso no IES de Curtis.

Lugar e datas onde se impartirá:

No IES de Curtis, desde o 19/03/2018 a 28/06/2018. Horario 15:30 a 20:30 / 16:00 a 21:00.
Do 18 ao 22 de xuño: prácticas non laborais en empresa (40 horas repartidas en 5 xornadas de 8 horas cada unha).

Módulos

MF0620 1. Mecanizado Básico (90 Horas).
MF0623 1. Técnicas Básicas De Macánica De Vehículos: (90 Horas)
MF0624 1. Técnicas Básicas De Electricidade De Vehículos: (90 Horas)

Módulos transversais

Fcoo03, Inserción laboral, sensibilización ambiental e na igualdade de xénero (10) horas.
Fcoxxx05, Igualdade de oportunidades entre mulleres e homes e corresponsabilidade familiar e doméstica. (8 Horas).

CERTIFICADO PROFESIONAL NIVEL 1

Inscrición:

Oficina de emprego de Betanzos. (En caso de pertencer a outra oficina de emprego, a inscrición deberá realizala na súa oficina de emprego).

MÁIS INFORMACIÓN

Oficina de emprego de Betanzos (881880244)
IES de Curtis (Teléfono 881880620)

Teixeiro acolle o primeiro curso en Galicia para formar adestradores de boxeo francés

Froito do acordo de colaboración entre o Concello de Curtis e a Federación Galega de Boxeo, o sábado, 24 de febreiro, desenvolverase no Centro Etnográfico e no Pavillón Polideportivo de Teixeiro un curso para formar adestradores de Savate ou Boxeo Francés.

Esta disciplina, que será olímpica en 2024, está a ter cada vez máis seguidores en Galicia e no resto de España e por imperativo da Federación Internacional de Savate, a Federación Galega de Boxeo é a autorizada para desenvolver este deporte na nosa comunidade autónoma.

Este é o primeiro curso para formar adestradores en Savate que se desenvolve en Galicia, elixindo o Concello de Curtis por ter unhas instalacións deportivas idóneas para tal fin.