O mantemento dos servizos de desinfección e desratización supón un custe anual de 3.000 euros
O Concello de Curtis manterá este ano os servizos de desinfección, desinsectación e desratización no municipio que se veñen desenvolvendo desde o ano 2000 e que en 2013 ampliaron a súa frecuencia e o seu campo de actuación para dar cobertura a todo o territorio en función das demandas ou necesidades. O custes destes servizos elévase a máis de 3.000 euros anuais.
Cada trimestre, a empresa encargada do servicio, Control de Pragas Andrade S.L, executa o seu labor de tratamento e control nos núcleos urbanos de Curtis e Teixeiro, así como no dous CEIP e nos pavillóns deportivos de ambas localidades. A frecuencia dos traballos é trimestral aínda que nos colexios procédese, ademais, a unha desinsectación especial antes do comezo do curso escolar. A contrata tamén inclúe que a empresa actúe e se traslade a calquera punto do municipio onde sexa requirida.
Ademais, cada ano realízase un servizo de control e prevención da legionella nos dous colexios, os dous pavillóns municipais, nos campos de fútbol e nas fontes públicas, tal e como como marca a normativa vixente, e lévanse a cabo revisións semanais e mensuais que quedan reflectidas en completos informes que recollen as revisións realizadas, as datas e os resultados das análises, limpezas, desinfeccións e calquera operación de mantemento.