Curtis consolida a senda á alza en investimentos iniciada este ano cun incremento do 11,4% para 2017
- O Concello prevé melloras na seguridade viaria, nas instalacións deportivas e na rede de sumidoiros e servizo de augas.
O Concello de Curtis incrementará un 11,41% o investimento previsto para 2017, partida estimada nos orzamentos en 935.063 euros, o que supón unha subida do 11,4% respecto deste ano e dun 54% respecto de 2015, o que consolida a senda á alza iniciada en 2016. Os investimentos representarán o 22,5% do total das contas municipais, de 4.134.456 euros, que levarán a pleno para a súa aprobación o vindeiro mércores, día 14.
Entre os investimentos previstos, que inclúen transferencias de capital e fondos propios, destacan o medio millón de euros que irán destinados a seguridade viaria, pavimentación, obras de reposición de viarias municipais e acondicionamento de espazos públicos así como os 270.000 euros para mellorar as instalacións deportivas coa colocación de bancadas nos campos de fútbol de Curtis e Teixeiro e para cubrir as tres pistas de pádel. Ademais, investirase en plans de iluminación pública e na rede de rede de sumidoiros e o servizo de augas.
Outras novas sobre os Orzamentos 2017:
- Os curtienses pagarán en 2017 polos servizos municipais o mesmo que en 2013 ao conxelarse un ano máis as taxas e impostos locais
- O Concello subirá un 1% o soldo dos traballadores municipais e creará 4 prazas máis para atención social a domicilio