20 mozos participarán nun campo de traballo en Curtis sobre igualdade e medio rural
- O obxectivo da iniciativa é empoderar á mocidade no proceso de cambio social e na procura real da igualdade.
O Concello de Curtis e a Dirección Xeral de Xuventude e Voluntarido organizarán do 20 ao 31 de xullo un Campo de Traballo destinado á participación de mozos de 18 a 30 anos e que estará centrado na temática 'Igualdade e medio rural'.
En total habilitáronse 20 prazas, a metade para xóvenes de Galicia e o resto para outras comunidades autónomas. O obxectivo desta actividade é fomentar a sensibilización social con respecto ás políticas de igualdade e contra a violencia de xénero, conseguir unha maior implicación dos veciños nesta área e realizar un traballo de campo nas parroquias e aldeas sobre a igualdade no rural, os estereotipos, os factores de risco, etc. Ademais, a iniciativa busca favorecer a convivencia, a tolerancia e a solidariedade dos mozos e a súa contorna.
A cota para os mozos é de 110 euros, aínda que hai descontos do 25% para os que dispoñan do Carné Xove. O importe cobre os gastos de manutención, aloxamento e os derivados das actividades, así como un seguro médico, aínda que non o desprazamento.
O prazo para anotarse é de tres días antes de que comece a actividade, é dicir, o último día será o 17 de xullo.
Os interesados deberán chamar ao 981 545 696, en horario de 09.00 horas a 14.00 horas, de luns a venres, para comprobar a dispoñibilidade e realizar a reserva.
Para máis información, pódense consultar: Accións de verán. Xuventude
Campo de traballo: Igualdade_e_Medior_Rural_Concello_de_Curtis.pdf